¡ CONTINUAMOS REFLEXIONANDO SOBRE AS NOVAS TECNOLOXÍAS !

👋BENVIDOS E BENVIDAS UN DÍA MÁIS MEIGAS E MEIGOS!👋

Nesta ocasión, presentámovos unha serie de preguntas do máis curiosas, que nos fixeron reflexionar moito, xa que non son nada sinxelas. No noso caso, pensamos e respondemos as preguntas entre todas as Meigas 👻 en conxunto, pero vos animamos a que nos deixedes no caixón de comentarios as vosas opinións!

¿Aprenden mellor os/as nenos/as coas NNTT? 💭

Consideramos que os nenos e nenas de hoxe en día aprenden mellor grazas as novas tecnoloxías, xa que son un elemento que abren as portas a un mundo de información. Con unicamente un "clic" poden ter na súa pantalla todas as respostas ás súas preguntas. Serven tanto para estudar como para realizar as tarefas e traballos da escola, ademais de que os preparan para o futuro tecnolóxico que lles espera. Somos conscientes que o uso das novas tecnoloxías debe ser sempre responsable e moderado, porque como consumidores coñecemos os perigos que poden xerar ou as excesivas comodidades que poden aparecer co seu uso. Analizando o camiño que está tomando a sociedade, creemos que será necesario a adaptación e a inclusión controlada das novas tecnoloxías no sistema educativo.

¿Te fai mellor ou peor profesor ou profesora o uso das NNTT? 💭

As novas tecnoloxías serven para que a formación do docente sexa moito máis completa, permitindo a elaboración de clases máis prácticas e dinámicas. Estas favorecen a colaboración do alumnado e facilitan a comunicación e xestión do docente. Un coñecemento amplo das novas tecnoloxías, permite ter acceso a infinidade de recursos, pero o seu uso axeitado, sempre vai a depender do coñecemento dos profesores e das profesoras. É por isto, que creemos que o profesorado tamén debe ter acceso e axudas para conseguir unha formación continua e de calidade para o correcto desenvolvemento en competencias e habilidades tecnolóxicas.

¿Como crees que as vas a empregar na túa aula o día de mañá? 💭

O día de mañá seguramente busquemos empregar novas tecnoloxías, como xa mencionamos anteriormente, como un uso para completar o resto de contidos e información que traballaremos na aula. O final, a golpe de "click" podes amosar o teu alumnado como son os planetas, buscar un dinosaurio concreto, unha foto dunha personaxe histórica, ou que sexan eles e elas mesmas os que busquen para atopar eses contidos. Pero da premisa que seguro que partimos, e da de non abusar do seu uso e ter sempre presentes que canta máis variedade de materiais, mellor calidade terá a docencia.

¿As novas tecnoloxías como medio ou como fin? 💭

Dende o noso punto de vista, as TIC son unha ferramenta que se deberá empregar como medio para acadar un fin, xa que mediante elas os nenos e nenas adquirirán os coñecementos necesarios dun xeito máis práctico e dinámico, pero coa finalidade da aprendizaxe duns contidos. A súa utilización será como fin cando as aprendizaxes ou habilidades que se busquen traballar esten estreitamente relacionadas coa tecnoloxía.

¿Hai medios nos colexios públicos para traballar coas NNTT? 💭

Hoxe en día a meirande parte dos centros escolares contan con aulas especializadas no que integran  á informática. Non obstante, o uso das novas tecnoloxías pode ir máis ala dun aula de informática, polo que isto non é suficiente para unha formación en tecnoloxía ampla. Por outra banda, non debemos esquecer a situación máis desfavorecida que se vive en moitos centros escolares, onde os recursos son mínimos e ademáis non esquecernos dos grandes apuros que sofren moitas familias, en situacións económicas moi complicadas e con imposibilidade de acceder á tecnoloxía. Por iso é necesario contar con máis recursos para as familias e coa súa distribución equitativa, ademáis de incrementar as subvencións e os presupostos nas escolas públicas, para conseguir dar un salto de calidade e estar o mesmo nivel que calquera, ou incluso por enriba dos centros privados ou concertados.